Siglir tar il cuntegn

Header

Video
Arrivada da Schurter
Or da sportlive dals 31.08.2019.
laschar ir
cuntegn

Victoria dubla svizra Schurter gudogna ses 8avel titel da campiun mundial

Nino Schurter è danovamain campiun mundial en il Cross Country. Il mountainbiker Sursilvan vegn da defender il titel a Mont-Saint-Anne en il Canada. Per Schurter èsi uschia il 5avel titel en seria e l'8avel aifer ils ultims 10 onns.

Victoria dubla svizra

L’ulteriur svizzer Mathias Flückiger è vegnì segund malgrà in defect. El procura uschia per ina victoria dubla svizra.

Nino Schurter n'ha laschà nagina schanza a ses concurrents - quai en absenza da ses pli grond rival Mathieu van der Poel - ed ha pudì festivar ina victoria suverana «solo».

A partir da la 5avla da 7 rundas era il Sursilvan sulet a la testa. A la fin ha Schurter gudagnà cun in avantatg da 30 segundas avant Mathias Flückiger. Bronz è ì al Franzos Stephane Tempier.

Il podest dals umens:

  • Nino Schurter SUI (1:27:05)
  • Mathias Flückiger SUI (+0,30)
  • Stéphane Tempier FRA (+0,38)

Ils ulteriurs svizzers: 9. Andri Frischknecht, 15. Florian Vogel, 19. Matthias Stirnemann, 23. Reto Indergand, 37. Thomas Litscher, 40. Lars Forster 7:02.

Jolanda Neff gudogna argient

La Son Gagliaisa Jolanda Neff è vegnida segunda al campiunadi mundial da mountainbike a Mont-Sainte-Anne en il Canada. La Songagliaisa ha pers 43 segundas sin la nova campiunessa mundiala, la Franzosa Pauline Ferrand-Prévot. Terza è vegnida l'Australiana Rebecca McConell.

Il podest da las dunnas:

  • Pauline Ferrand-Prévot FRA (1:28:51)
  • Jolanda Neff SUI (+0,43)
  • Rebecca McConnell AUS (+1,17)

La segunda svizra, Linda Indergand è vegnida 10avla. cun in retard da 4 minutas e 46 secundas.

Video
Argient per Jolanda Neff
Or da Sport-Clip dals 31.08.2019.
laschar ir

RR novitads 20:00