Naziunal/Internaziunal - Victoria dubla per la Norvegia
Ils skiunzs da la Norvegia domineschan era il slalom gigant parallel ad Alta Badia. Kjetil Jansrud gudogna avant Aksel Lund Svindal. Sin plazza trais è il Svedais André Myhrer. Per Jansrud è quai l'emprima victoria en questa stagiun.
Sco meglier svizzer è Gino Caviezel vegnì 7avel. El ha battì Felix Neureuther e lura en l'otgavel final il Norvegiais Leif Kristian Haugen ch'ha avant eliminà Justin Murisier. En il quartfinal ha Caviezel pers cunter Myhrer e quai sulet per in tschientavel secunda.
Era ils favurits e spezialists dal slalom gigant, sco Marcel Hirscher u Ted Ligety, han gì difficultads. Els èn crudads ora gia en l'emprima runda.
