Siglir tar il cuntegn

Naziunal/Internaziunal Victoria cunter il FCZ: YB sposta festa da campiun da Basilea

Ils Young Boys han giugà suveran a chasa cunter ils Turitgais. Tras la victoria bernaisa da 3:0 sto Basilea spustar la festa da campiun svizzer per almain in’emna.

Ils giugaders da YB Milan Gajic, il goli Miralem Sulejmani e Guillaume Hoarau (da san.) giubileschan suenter l'emprim gol.
Legenda: Ils giugaders da YB Milan Gajic, il goli Miralem Sulejmani e Guillaume Hoarau (da san.) giubileschan. Keystone

Clers resultats oz suentermezdi en la 30avla runda da la Super League. Lucerna ha battì Thun cun 3:0 ed ils Young Boys han battì Turitg cun il medem resultat da 3:0. Uschia na po il club da ballape da Basilea anc betg vegnir campiun svizzer oz. Pli tard il suentermezdi ha Basilea fatg be in 0:0 cunter Vaduz.

E perquai che YB ha gudagnà na po il Club da ballape da Basilea betg festivar gia oz ses 7avel titel da campiun svizzer en seria.

Sch’ils Young Boys - ch'èn segunds en la tabella - avessan numnadamein dà mo pari ni schizunt pers, lura avess Basilea pudì decider gia oz il campiunadi, quai cun ina victoria a Vaduz.

Remis fair en il stadion «Rheinpark»

La partida tranter Vaduz e Basilea è ida a fin cun in pari da 0:0. Suenter in’emprima mesadad cun paucs schabetgs ha quai dà in zic dapli da gaurdar per ils aspectaturs en la segunda part – quai cunzun pervi d’intginas scenas en la zona da penalti. Basilea era dal gieu ennà pli ferm, ma er Vaduz ha gì in pèr bunas schanzas da gol.

RR novitads 16:00