Suenter ils otgavelfinals eran ils vents e la bischa uschè ferms che las cursas èn vegnidas interruttas. E tenor reglament vegnan ils atlets lura rangads tenor lur posiziun en la glista da puncts da la FIS e vitiers tenor ils resultats dals otgavelfinals. Uschia arrivan Fiva e Smith sin il podest, ed ils victurs èn la Tudestga Heidi Zacher ed il Franzos Jean-Frédéric Chapuis.
Cun arrivar per la quarta giada sin il podest questa stagiun, è Alex Fiva uss terz dal classament general. E tar las dunnas è Fanny Smith uss era terza dal classament general, questa stagiun ha ella gia cuntanschì quatter giadas la plazza dus.
RR Sportissimo 17:00