Siglir tar il cuntegn
Inhalt

Naziunal/Internaziunal Van der Graaff 11avla al sprint da Otepää

Laurien van der Graaff è vegnida fin il mezfinal dal sprint da la cuppa mundiala en l’Estonia, là èsi stà a fin per ella. La finala è la passlungista da Tavau sa rangada sco 11avla.

La passlunghista Laurien van der Graaff
Legenda: Laurien van der Graaff suenter il sprint dal Tour de Ski en Val Müstair (archiv). Keystone

La segunda Svizra ch’aveva cuntanschì il quart-final, Nathalie von Siebenthal, è grad crudada ora e la finala daventada 28avla. Nadine Fähndrich da sia vart n’era betg sa qualifitgada per ils quart-finals. Gudagnà il sprint ha la Svedaisa Stina Nilsson, avant las Norvegiaisas Maiken Caspersen Falla e Heidi Weng.

Il passlunghist Dario Cologna
Legenda: Dario Cologna durant ina cursa da qualificaziun da sprint (archiv). Keystone

Svizzers senza schanza

Tar ils umens ha Dario Cologna manchentà cleramain la qualificaziun per ils quart-finals dal sprint ad Otepää. Dus auters Svizzers han grad anc cuntanschì la qualificaziun per ils quart-finals, Roman Furger sco 25avel e Jovian Hediger sco 27avel. Per omadus è il quart-final dentant gia stà la staziun finala. En la rangaziun finala cuntanscha Furger plazza 14, Hediger è 24avel.

In giuvenot sco victur

Si’emprima victoria da la cuppa mundiala po festivar il Norvegiais Johannes Hösflot Kläbo che ha mo 20 onns. Suenter esser stà il pli spert en la qualificaziun ha ella era laschà tut ils favurits davos el en il final. Davos Kläbo vegn in segund Norvegiais sin plazza dus, Finn Haagen Krogh: Terz vegn il Russ Sergej Ustjugow, il victur dal Tour de Ski.

RR novitads 15:00