Siglir tar il cuntegn
Inhalt

Naziunal/Internaziunal Uss anc la gronda – Galmarini terminescha stagiun extraordinaria

En sasez era gia la fin d’emna passada tut cler e quai gist a Scuol, en la patria da l’Engiadinais: Nevin Galmarini (31) finescha la stagiun dad ir cun assa en las disciplinas alpin sco meglier atlet. A Winterberg ha el uss survegnì questa culla, scriva Swiss-ski.

Galmarini sin las spatlas dals collegas.
Legenda: A la fin dad ina stagiun extraordinaria – Nevin Galmarini vegn purtà dals collegas a surpigliar la culla gronda a Winterberg. Keystone

Sia terza plazza en il slalom gigant parallel a Scuol aveva segirà a Galmarini la victoria gronda. E quai malgrà che la stagiun va a fin pir cun las cursas da questa fin d’emna a Winterberg en Germania. Che Galmarini ha fatg naufragi qua pervi dad in grond sbagl gia en il quart final n’era betg pli relevant per il resultat cumplessiv.

Independent da las circumstanzas haja Galmarini adina tschertgà soluziuns e n’haja mai dà si – e quai haja sa pajà uss, scriva Swiss-ski en ina communicaziun a las medias.

Jau hai empruvà da vegnir in atlet pli constant. Jau crai che quai m’è gartegià.
Autur: Nevin Galmariniatlet da snowboard alpin

Suenter la culla pitschna per la stagiun da slalom gigant parallel gudogna il victur olimpic uss er la culla gronda per la meglra prestaziun da la stagiun alpina sin l’assa.

Indesch onns suenter Philipp Schoch gudogna uschia puspè in snowboardist Svizzer la cuppa mundiala generala.

RR novitads 16:00