Siglir tar il cuntegn
cuntegn

Naziunal/Internaziunal Usain Bolt è da return

Al meeting d'atletica leva ier saira a Londra ha il Giamaican Usain Bolt gudagnà la cursa da 100 meters en 9,87 secundas.

Usain Bolt (dretg) arriva avant Michael Rogers (entamez) en l'arrivada.
Legenda: Usain Bolt (dretg) vegn gist anc da tegnair a mastergn Michael Rogers (entamez). Keystone

Tar cundiziuns bletschas e frestgas è Bolt stà 3 tschientavels pli spert che l'American Michael Rogers. Cun quai ha el mussà, ch'el è pront per ils campiunadis mundials che han lieu en in mais a Peking.

Dunnas svizras betg fitg spertas

La staffetta da las dunnas svizras sur 4x100 meters ha manchentà per pauc il podest ed è vegnida quarta. Datiers dal record svizzer n’èn Marisa Lavanchy, Lea Sprunger, Mujinga Kambundji e Sarah Atcho dentant betg vegnidas. Gudagnà la cursa han las Americanas.

RR Novitads 06:00