Be in'emna suenter sia victoria en il Canada ha il mountainbiker da Tersnaus er gudagnà la cursa da la cuppa mundiala a Windham en ils Stadis Unids. Schurter battì ses grond rival, il franzos Julien Absalon per 4 secundas. Terz è vegnì il Tudestg Manuel Fumic. Grazia a questa victoria, la 16vla da sia carriera en la cuppa mundiala, è Nino Schurter er sin buna via da gudagnar la cuppa mundiala generala.
Tar las dunnas è Jolanda Neff vegnida segunda. Pudì la Svizra ha sulet la Franzosa Pauline Ferrand.
En duas emnas stat sin il program la davosa cursa da la cuppa mundiala da la stagiun en la Valle di Sole.
RR novitads 23:00