Siglir tar il cuntegn
Inhalt

Naziunal/Internaziunal Ulteriura terrada per Wawrinka sin sablun

Stan Wawrinka ed il turnier da tennis a Madrid resta in trista chaussa. Il Romand ha pers ses emprim gieu en la chapitala spagnola encunter il Franzos Benoit Paire en trais sets cun 5:7, 6:4 e 2:6.

Stan Wawrinka
Legenda: Stan Wawrinka sto prender cumià da Madrid gia suenter ses emprim gieu. Keystone

Dapi sia terrada en il final il 2013 encunter Rafael Nadal ha Stan Wawrinka gudagnà sulet in gieu al turnier sin sablun a Madrid. Encunter Benoit Paire èsi perencunter pir la terza terrada en il 10avel duel.

Ils 28 da matg cumenza la 116avla ediziun dal French Open. Per Stan Wawrinka è quest segund grand slam da tennis da l’onn dentant anc lunsch davent. Wawrinka ha numnadamain gudagnà be in gieu sin sablun en questa stagiun fin oz, avant trais emnas a Monte Carlo.

RR actualitad 06:00