Siglir tar il cuntegn
cuntegn

Naziunal/Internaziunal Ulteriura plazza da podest per Yule

Al slalom da notg a Schladming è Daniel Yule vegnì terz. Gudagnà la cursa ha l'indigen Marcel Hirscher cun in avantatg da 39 tschientavels sin il norvegiais Hernik Kristoffersen.

Daniel Yule ha confermà sia buna furma a Schladming.
Legenda: Daniel Yule ha confermà sia buna furma a Schladming. Keystone

L'emprova generala per ils gieus olimpics è gartegiada. Dus dis suenter la prima plazza da podest da la carriera a KItzbühel, ha il Vallesan damovamain dumagnà tranter ils megliers trais. Sco sisavel en il prim percurs ha il skiunz da 24 onns mussà in ferm segund percurs.

Silsuenter è il cletg lura stà da sia vart. Michel Matt è crudà ora, Manfred Mölgg e Stefano Gross èn omadus crudads enavos ed han uschia gidà il Svizzer sin il podest.

Hirscher festivescha sia 54avla victoria

Cunter ils dus dominaturs dal slalom Hirscher e Kristoffersen n’ha Yule però gì nagina schanza. Marcel Hirscher ha pudì festivar sia 54avel victoria en la cuppa mundiala.

Ramon Zenhäusern è vegnì 13avel, Luca Aerni 14avel. Ils ulteriurs svizzers Loic Meillard e Marc Rochat eran gia crudads ora en l'emprim percurs.

RR novitads 22:00