Siglir tar il cuntegn

Header

Navigaziun

Gianni Infantino vul succeder a Sepp Blatter.
Legenda: Gianni Infantino vul succeder a Sepp Blatter. Keystone
cuntegn

Naziunal/Internaziunal UEFA propona Gianni Infantino sco president da la FIFA

L'UEFA lascha crudar ses president suspendì Michel Platini. Anc avant curt veva l'UEFA communitgà ch'ella sustegnia unanimamain Platini sco nov president da la FIFA e successur da Sepp Blatter.

Uss, l’ultim mument pussibel per inoltrar ina candidatura, propona l'UEFA tuttenina in auter candidat, ed era quel unanimamain. Igl è il numer 2 da l'UEFA, il secretari general Gianni Infantino.

Infantino è in candidat valabel.
Autur: Guido Tognonianteriur directur da communicaziun tar la FIFA

Per l’anteriur directur da communicaziun da la FIFA, il rumantsch Guido Tognoni, è Infantino in candidat valabel. Il giurist da 45 onns lavura gia dapi 15 onns en differentas funcziuns en l’UEFA ed haja las enconuschientschas ed abilitads necessarias per diriger la FIFA che saja sco in grond concern. Gianni Infantino è burgais dubel da la Svizra e l’Italia ed naschì a Brig, be pacs kilometers da Visp, il lieu nativ da Sepp Blatter.

8 candidats vulan succeder a Blatter

Pir l'avantmezdi era la candidatura dal schaic dal Bahrein Salman Bin Ebrahim al-Khalifa vegnida enconuschenta. Cunquai crescha il dumber dals candidats che vulan succeder a Sepp Blatter sin 7. Dasper Platini ha er il prinzi da la Jordania Ali bin al-Hussein ambiziuns per il post. Ils ulteriurs candidats èn David Nakhid da Trinidad e Tobago, il sid-african Tokyo Sexwale e l’anteriur secretari da la FIFA Jérôme Champagne. Mardi scada il termin per inoltrar la candidatura.

RR novitads 15:00