Voilà la France - «Stuair nagut – d'astgar tut» Rolf Caflisch a Paris

Stuair nagut - d'astgar tut - Rolf Caflisch a Paris

Tge fa il musicist Rolf Caflisch actualmain a Paris? L’atelier da la Visarta ha pussibilità ad el ina visita da trais mais. Betg forsa per simplamain producir art, na i va per visitar concerts, leger e sa laschar inspirar.

Jau na stoss nagut – e dastg tut.

Ina buna chaussa pe ril battarist grischun. Quai dettia libertad e spazi per novas ideas, di el. Entant ha Rolf Caflisch era gia udì a Paris ina band ch’el vuless engaschar per il Weekly Jazz a Cuira. Dal tut laschar la lavur, na po el pia tuttina betg.

Legenda: Rolf Caflisch a la tschertga da stgazis musicals. A Paris chatt’ins anc pitschnas butias cun collecziuns da plattas veglias. RTR, E. Berther

Vairs stgazis en butias da plattas

Bleras uras va Rolf Caflisch per vias e giassas a Paris. En il quartier Latin ha el chattà butias da plattas. Per el vairs stgazis. Ensemen avain nus visità ina da quellas butias. «I savura da plattas, da collecziuns veglias» declera Caflisch durant ch’el tschertga vinavant stgazis musicals.