Lens - ina citad che bada la dischoccupaziun

Minieras da charvun na datti betg pli – fabricas han fermà las portas. Lens ha gì buns onns – ussa pateschan els ferm. Quai è visibel en la citad en il nord da la Frantscha.

Laschar ir video «Purtret da la citad trista Lens»

Purtret da la citad trista Lens

3:41 min, dals 9.6.2016

Sin viadi tras la citad entaup’ins bain il museum «Louvre Lens» ed il stadion da ballape – ins frunta dentant era sin bleras butias serradas e chasas da vender. La via principala tras la citad da 35'000 abitants n'è strusch in lieu per flanar.

«C'est triste»

Abitants dian magari «c’est triste». Els raquintan da temps en fluriziun e dals daners che manchan oz. Far frunt vulan els cun dapli turissem. Giasts che visitan il nov museum ed er la Euro 2016 duain purtar nov schlantsch.