Siglir tar il cuntegn
Inhalt

Salut la France Andreas ha laschà lavar ils chavels cun amaretto

Las frisuras ston constar durant in campiunadi d’Europa da ballape, quai oravant tut tar ils giugaders. Blers dattan gronda bregia sin la frisura, era durant in gieu. Intgins giugaders svizzers han era gia visità il coiffeur durant l’EURO en Frantscha.

purtret da Andreas Wieland, reporter RTR
Legenda: Noss reporter da sport Andreas Wieland ha lavà ils chavels cun shampoo d'amaretto. RTR, R.Dobler

Il medem ha era il reporter dad RTR, Andreas Wieland, fatg. El è stà tar in coiffeur en ina giassa en la citad veglia da Montpellier. L’emprima malchapientscha ha el gì gia avant che seser sin la sutga. La coiffeusa ha dumandà ad Andreas sch’el prefereschia amaretto, cassis u insatge cun oranschas. Durant che Andreas è i da quai anora ch’el survegni in drink durant ch’el sesia sin la sutga tar il coiffeur ha la coiffeusa manegià cun amaretto, cassis, etc. il gust dal schampo.

Cun la lingua franzosa datti pia bain inqual malchapientscha durant il campiunadi d’Europa en Frantscha, mo la frisura constat tar ils pli blers, e quai è era impurtant.