Siglir tar il cuntegn

Header

Navigaziun

cuntegn

UEFA EURO 2016 Frantscha, nus arrivain!

L’aventura EURO 2016 ha uss definitivamain cumenzà per la naziunala svizra da ballape. L’equipa dal trenader Vladimir Petkovic è partida oz suentermezdi cun in sgol spezial da Turitg a Montpellier en il sid da la Frantscha. Là prenda l’equipa dimora durant il campiunadi d’Europa.

Giugaders da ballape a l'eroport.
Legenda: La squadra sviza parta en direcziun da la Frantscha. RTR, A.Wieland

Strusch arrivads en Frantscha han ils giugaders svizzers gia lur emprim trenament. Igl è in trenament public en il Stade de la Mosson, quai è il stadion dal HSC Montpellier, il campiun franzos da ballape da l’onn 2012. Dimora prenda l’equipa svizra en il Vichy Spa Hotel a Juvignac a l’ur da Montpellier. En quest hotel han ils giugaders tut quai ch’els basegnan, tranter auter in grond center da fitness e schizunt ina stanza da fradaglia ch’empermetta ina sperta regeneraziun.

L’Albania è l’emprim adversari

23 giugaders ha il trenader naziunal Vladimir Petkovic nominà per l’EURO 2016. L’emprim gieu ha la Svizra sonda, ils 11 da zercladur a Lens encunter l’Albania. I suonda lura mesemna, ils 15 da zercladur a Paris il gieu encunter la Rumenia e dumengia, ils 19 da zercladur a Paris il gieu encunter la Frantscha.

RR actualitad 17:00