Siglir tar il cuntegn

Header

cuntegn

UEFA EURO 2016 Euro 2016: Ils otgavelfinals da glindesdi, ils 27 da zercladur

Il defensur dal titel la Spagna perda cunter l’Italia cun 2:0. La gronda sensaziun: l'Islanda batt l'Engalterra cun 2:1.

Commembers da la squadra englaisa.
Legenda: Wayne Rooney e Roy Hodgson bandunan il plaz cun ils chaus a bass. Keystone

Engalterra - Islanda 1:2

En l'emprima mesadad ha l'Engalterra pudì far l'emprim e sulet gol cun sajettar in penalti. E gist suenter han ils Islandais sajettà 2 goals. En la segunda mesadad dal gieu n'èn lura crudads nagins goals pli. En il quartfinal frunta l'Islanda sin la Frantscha.

Sco reacziun sin la terrada, ha il trenader da l'Engalterra, Roy Hodgson declerà sia demissiun.

Italia - Spagna 2:0

La partida Italia-Spagna è vegnida manada fitg intensiva. En l’emprima mesadad ha l’Italia dominà la partida ed aveva bunas schanzas da marcar gist plirs gols. En la segunda mesadad era la partida pli equilibrada ed il goli dals talians Gianluigi Buffon ha pliras giadas pudì tegnair ils sajets dals Spagnols.

En il quartfinal frunta l’Italia uss sonda proxima sin la Germania.

RR novitads 20:00+

Artitgels legids il pli savens