EURO 2016: ils gieus da mardi ils 14 da zercladur

L'Austria sperda cunter lur vischin Ungaria e la squadra naziunala da Portugal n'ha betg pudì ademplir sia rolla da favurit en l'emprim gieu da gruppa cunter il noviz da l'EURO, l'Islanda.

Giugaders da ballape ungarais s'embratschan.

Legenda da maletgs: L'ungarais Zoltan Stieber giubilescha suenter la victoria cunter l'Austria. Keystone

Elmar Bjarnason ha sajettà il 1:1 per l'Islanda.

Legenda da maletgs: Elmar Bjarnason ha sajettà il 1:1 per l'Islanda. Keystone

Il pitschen dumogna in punct

La partida è ida a fin cun in pari dad 1:1. La 'pitschna' Islanda ha dumagnà in punct dal favurit Portugal. Ils Portugais èn bain ids en avantatg en la 31avla minuta grazia al gol da Nani. En la 50alva minuta èsi però reussì a l'islandais Elmar Bjarnason d'egualisar sin il 1:1.

L'austriac Robert Jäger gurada pitgiv suenter la terrada.

Legenda da maletgs: L'austriac RoberttJäger na chapescha betg il mund. Keystone

Entschatta na grategiada per ils Austriacs

L'Austria ha pers surprendentamain sia emprima partida al campiunadi europeic da ballape en Frantscha. Quai cunter il vischin, l'Ungaria, cun 0:2. Sajettà ils gols han Adam Szalai e Zoltan Stieber.

A partir da la 66avla minuta è il team austriac cun il trenader svizzer Marcel Koller stà cun in um damain sin il plaz. Lura hai dà mellen-cotschen per l'austriac Aleksandar Dragovic.

RR novitads 20:00 / 23:00