EURO 2016: Cravals a Lille

Enturn il campiunadi da ballape hai danovamain dà cravals en la Frantscha.

Hooligans.

Legenda da maletgs: A Lille han hooligans englais randalà. Keystone

A Lille ha la polizia agì la saira e curt avant mesanotg cun gas lacrimogen e bastuns cunter radund 200 fans, ina part da quests derivan da l'Engalterra. 16 persunas èn blessadas.

En il center da la citad eran fans russ violents. Tenor las autoritads èn 36 persunas vegnidas arrestadas, tranter questas era 6 Russ ch'eran gia sa participads als cravals da Marseille.

Fin uss arrestà 323 persunas

En connex cun il campiunadi europeic da ballape en Frantscha èn fin uss 323 persunas vegnidas arrestadas temporarmain. Igl è cunzunt ì per acts da violenza, enguladitschs u donns materials.

11 delinquents èn gia vegnids sentenziads; 3 cun chastis cundiziunads. 8 ston ir en praschun. Cunter 24 ulteriurs fans han las autoritads ordinà ch'els ston bandunar la Frantscha. I sa tracta da 23 Russ ed 1 Ucranais.

RR novitads 06:00 / 14:00