Montpellier, il da chasa dals Svizzers

L’equipa naziunala svizra ha prendì dimora durant l’EURO 2016 a lur da la citad da Montpellier. L’hotel sa chatta paucs meters sper il stadion dal club da ballape da Montpellier. En quest stadion trenescha e sa prepara l’equipa da Vladimir Petkovic sin ils gieus dal campiunadi d’Europa.

directur da hotel stat sper ina gronda vatga da laina

Legenda da maletgs: Nicolas Bayart, il directur dal hotel nua che l'equipa naziunala è sa domiciliada. Keystone

Montpellier è ina da las grondas citads en il sid da la Frantscha a l’ur da la Mar Mediterrana. En questa citad vivan oz bunamain 300’000 abitants. Igl è ina citad ruassaivla, malgrà che blera giuventetgna viva a Montpellier. Igl è numnadamain ina citad d’universitad. I vegn detg che mintga quarta persuna che viva a Montpellier saja s’inscritta a l’universitad. La part veglia da la citad viva da lur stretgas giassas cun ustarias dretg e sanester.

A Montpellier regia dentant pauca fevra da ballape. En questa regiun dominescha il rugby, quai è il sport numer 1. Tuttina è il club da ballape da Montpellier vegnì il 2012 surprendentamain campiun franzos.

Per ils gieus da gruppa encunter l’Albania, la Rumenia e la Frantscha sgola la naziunala svizra da ballape mintgamai en ils lieus da gieu, ina gia a Lens, lura a Paris ed a Lille.