Siglir tar il cuntegn

Header

cuntegn

Bonjour e bonsoir la France Lewandowski vul dar ina lecziun als Tudestgs

Germania cunter Pologna, igl è in’affischa brisanta. D'in maun il campiun mundial, da l’auter maun la Pologna cun lur marca mundiala Robert Lewandowski. L’attatgader da Bayern München è il cor da la naziunala polaca.

Robert Lewandowski ha midà il 2010 en la Bundesliga tar Borussia Dortmund. Suenter quatter stagiuns ha el midà tar il campiun da record, il FC Bayern München. Ils ultims onns è l’attatgader (27) daventà in dals megliers attatgaders insumma. En l’emprim gieu da l’EURO encunter l’Irlanda dal Nord n’ha Lewandowski betg pudì mussar sia classa. Suenter il gieu ha el manegià ch’el haja spargnà ils gols encunter ils Tudestgs.

audio
Saira: Bonsoir la France - Robert Lewandowski vul dar ina lecziun als Tudestgs
ord Actualitad dals 16.06.2016.
laschar ir. Durada: 2 minutas 33 Secundas.

Betg sulet per Robert Lewandoswki è il gieu Germania – Pologna in duel tut aparti. Er en l’equipa da Joachim Löw dattan intgins giugaders cun ragischs polacas, tranter auter Lukas Podolski.

Il gieu tranter ils Tudestgs ed ils Polacs, duas naziuns che vevan gia duellà en la qualificaziun, è er gist il duel a la testa da la gruppa. Il victur sa qualifitgescha pia direct per l’otgavelfinal. Il gieu tranter ils dus vischins è en il Stade de France a Paris.

RR actualitad 17:00

Artitgels legids il pli savens