Als ultims gronds turniers ha la Frantscha giu pauc da rir e quest onn èn ils Franzos anc vegnids traumatisads dal terror. Ma l’Equipe tricolore è pront per il turnier da chasa e vala er sco in dals gronds favurits per il titel.
L’equipa dal trenader Didier Deschamps vul puspè daventar la «Grande Nation» sco quai ch’ella è vegnida titulada avant 18 onns. Il 1998 era la Frantscha vegnida campiun mundial en l’agen pajais. Dus onns pli tard veva l’equipa cun il star Zinedine Zidane triumfà al campiunadi d’Europa ed uschia gudagnà il double.
Avant ils fans da chasa ha la Frantscha adina fatg buna figura, be mo il 1998. Gia il 1984 eran ils Franzos, lura cun Michel Platini, vegnids campiun d’Europa en l’agen pajais.
En la fasa da gruppa frunta la Frantscha sin la Rumenia, l’Albania e la Svizra.
RR actualitad 17:00