La Frantscha, la Germania e la Belgia èn tuts en la proxima runda dal champiunadi d’Europa en Frantscha. Entant che la Frantscha ha l’emprim stuì laschar tiers in gol han la Germania e la Belgia dominà l’adversari.
Germania vul il «double» - campiun mundial e d'Europa
La Germania vul il dubel, vul dir, duos onns suenter il titel da champiun mundial, era la curuna dal champiun d’Europa. L’equipa dal trenader Joachim Löw è l’unica che na ha anc betg incassà in gol. La Germania è per il mument propi fitg ferma.
En la proxima runda dal turnier frunta il champiun mundial sin il victur dal classicher tranter l’Italia e la Spagna.
RR actualitad bunura