Ibrahimovic – l’extravagant a l’EURO

La Svezia è sa qualifitgada be piz a cup per il campiunadi d’Europa en Frantscha. Sco terzs da gruppa han ils Svedais stuì giugar ina runda playoffs encunter il Danemarc. Grazia als gols da Zlatan Ibrahimovic hai la finala tanschì per la Svezia.

Zlatan Ibrahimovic è senza dubi il grond star svedais. Sajettar gols è sia gronda fermezza, ed il pli gugent gols spectaculars. Titels da campiun ha 'Ibra' gudagnà en seria ils davos onns. El è tranter auter vegnì cun Ajax Amsterdam campiun ollandais, en l’Italia campiun cun Juventus Torino, Inter Milaun e l’AC Milan, en Spagna cun il FC Barcelona ed en Frantscha ils davos quatter onns cun Paris Saint-Germain.

Zlatan Ibrahimovic è dentant er enconuschent pervia da ses caracter extravagant. El è in giugader che provochescha gugent, in ch’ha dentant er procurà per scandals en sia carriera. A l’EURO 2016 è el senza dubi ina da las grondas attracziuns, quai sin il plaz sco era sper il plaz.

RR actualitad saira

Ibrahimovic en cifras

Ibrahimovic en cifras

  • El dat dapi 15 onns cun l’equipa naziunala
  • ha sajettà enfin oz 62 gols
  • en 112 gieus.