Gianluigi Buffon – cun 38 onns ina legenda

Dapi quasi 20 onns è el ina da las vistas, ina da las persunalitads las pli famusas da la squadra «Azzurra». Il goli Gianluigi ‘Gigi’ Buffon.

Gianluigi Buffon.

Legenda da maletgs: Era cun 38 onns e Gianluigi Buffon in dals megliers golis dal mund. Keystone

Gia tar sia emprima participaziun al campiunadi mundial dal 1998 en Frantscha era el part da l’equipa naziunala taliana. Quasi 20 onns pli tard è el anc adina il numer in en il gol da la squadra «Azzurra».

En la vegliadetgna da 38 onns vul Gianluigi Buffon anc ina giada avair success. Suenter il titel da campiun mundial l’onn 2006 vul el uss il titel da campiun d’Europa. Gianlugi Buffon gioga dapi il 2001 tar Juventus Torino. Cun Juventus ha el gudagnà 7 giadas il campiunadi talian e 6 giadas La Coppa d'Italia.

RR Actualitad 07:00