Bolli prepara il menu per Shaqiri e collegas

Il success da la naziunala svizra a l’EURO 2016 en Frantscha sa cumpona ord plirs facturs. Tranter auter sto era il nutriment, pia la cuschinar constar.

in cuschinier ed ina cuschiniera stattan avant in hotel

Legenda da maletgs: Emil Bolli e sia figlia Manuela cuschinan las tratgas per l'equipa naziunala svizra. Keystone

Responsabels per quai che vegn sin il taglier dals giugaders da la naziunala Svizra è Emil Bolli. El è dapi dus decennis il schef cuschinier da la naziunala. Mintgamai la damaun procura el per in grond e lartg buffet da solver. Bun quatter uras avant mintga gieu metta Bolli sin maisa in menu che duai cuntentar mintgin. En emprima lingia vegn mangià bler idrats carbonics, quai che dat era forza cura ch’i va per la liongia. Cura ch’il gieu è a fin vegnan ils giugaders puspè servids cun ina tschavera, ina da las pli impurtantas tenor Emil Bolli.

En cumparegliaziun cun il davos grond turnier da ballape, il campiunadi mundial il 2014 en la Brasilia, saja en Frantscha in zic pli simpel da survegnir products frestgs, di Emil Bolli. Blers products cumpra el direct tar ils purs en la vischinanza da Montpellier o lura sin las fieras en la citad.