Siglir tar il cuntegn

Header

cuntegn

Bonjour e bonsoir la France Austria – mo pli ina sumbriva da sasez

Paucas equipas han dominà la qualificaziun per quest campiunadi d’Europa d’ina tala maniera sco l’equipa austriaca. L’equipa dal trenader svizzer Marcel Koller ha gudagnà 9 da 10 partidas durant la qualificaziun. Uss, en il turnier, è l’equipa austriaca dentant mo pli ina sumbriva da sasez.

audio
Saira: Bonsoir France - Austriacs ristgan da turnar senza in gol
ord Actualitad dals 22.06.2016.
laschar ir. Durada: 1 minuta 46 Secundas.

Duas partidas – gnanc in gol. Encunter l’Ungaria era l’Austria cumplettamain dischillusa. L’equipa ha giugà fitg gnervus, ella n’è betg stada abla da crear ina situaziun da gol. Encunter il Portugal ha l’equipa laschà far l’adversari il gieu; davantora gieva pauc.

Encunter l’Islanda sto l’equipa da Marcel Koller mussar ina meglra prestaziun ed evitar ina blamascha. Il victur da la qualificaziun turna en Frantscha senz’in sulet gol da turnier.

RR actualitad 17:00

Artitgels legids il pli savens