Siglir tar il cuntegn
Inhalt

Naziunal/Internaziunal U20 pretenda tut dals Canadais

Ils juniors svizzers U20 han pers al campiunadi mundial da hockey a Helsinki be piz a cup encunter il Canada. L’equipa da John Fust ha pers il terz gieu da gruppa encunter il defensur dal titel pir suenter sajettar penaltis cun 2:3.

Hockeyan svizzer en cumbat cun in Canadais.
Legenda: Ils juniors svizzers han persvadì encunter ils Canadais. EQ Images

La Svizra è ida suenter gols da Damien Riat e Dario Meier fin la 16avla minuta cun 2:0 en avantatg. En la lutga da penaltis han ils Canadais pudì nizzegiar duas da trais schanzas.

A la fin da la fasa da gruppa frunta la Svizra sin in ulteriur caliber ord il mund dal hockey, numnadamain sin ils Stadis Unids. Perdan ils juniors svizzers encunter ils Americans lu spetgan ils playoffs da relegaziun.

RR novitads 06.00