20 giadas era il biatlet Martin Fourcade partì questa stagiun. E 20 giadas è el stà tranter ils meglier trais. Tar la 21 avla e davosa partenza la dumengia è la seria da podest però a fin: il biatlet franzos vegn 19avel tar la cursa da partenza a massa sur 15 kilometers en Russia. Ina culla da cristal datti perquai tuttina per quintupel victur d'Olimpia.
Victoria cun avantatg da chasa
Dominà la davosa cursa da la stagiun en la Russia ha in cun avantatg da chasa: Maxim Zwetkow. Ils ulteriurs plaz da podest occupan duas Norvegiais. Segund è Erland Bjöntegaard e terz è Johannes Thingnes Bö.
Il Svizzer Benjamin Weger n’ha gì nagina schanza. El è vegnì 30avel.
RR novitads 17:00