Siglir tar il cuntegn

Header

Navigaziun

cuntegn

Naziunal/Internaziunal Tuts encunter l’Austria al team event

Ils Austriacs ch’han gia gudagnà 6 medaglias al campiunadi mundial da skis a Vail/Beaver Creek van sco ils gronds favurits a la partenza da la concurrenza da las naziuns. En l’emprima runda fruntan ils Austriacs sin l’Argentina.

La Svizra che cumbatta per ina medaglia cun il quartet Wendy Holdener, Michelle Gisin, Gino Caviezel e Justin Murisier, frunta en l’emprima runda sin la Croazia, tranter auter cun Ivica Kostelic. En la proxima runda spetgass lura u la Frantscha u la Russia.

La concurrenza da las naziuns vegn organisada dapi il campiunadi mundial dal 2005 a Bormio. Enfin oz ha la Svizra gudagnà ina suletta giada ina medaglia. Il 2007 ad Are en Svezia veva la Svizra gudagnà la medaglia da bronz..

En la concurrenza da las naziuns, l’uschenumnà team event, cumbattan mintgamai quatter skiunzas e skiunzs in encunter l’auter en in slalom parallel, pia in duel um encunter um u dunna encunter dunna. La naziun che gudogna il duel fa il pass en la proxima runda. Statti suenter ils quatter duels pari 2:2 decidan ils dus megliers temps.

RR Actualitad da la saira 17:00