Siglir tar il cuntegn

Header

Navigaziun

Selina Gasparin cun il schluppet.
Legenda: Per Selina Gasparin bainbaud Coppa mundiala era en la patria? Sch'i va tenor ils giavischs dals organisaturs duajan ils campiunadis da juniors esser ina carta da visita per la Coppa mundiala. Keystone
cuntegn

Naziunal/Internaziunal Tutgà la noda – Lai survegn il 2020 il CM dals juniors da biatlon

L’Uniun Internaziunala da Biatlon IBU ha surdà ils Campiunadis mundials da juniors e giuvenils il 2020 a la Svizra. Lieu da las concurrenzas vegn ad esser la nova arena da biatlon a Lantsch.

La data exacta dals campiunadis n’è betg anc enconuschenta. Cun questas concurrenzas en trais onns ospitescha la Svizra per l’emprima giada in’occurrenza gronda da biatlon. Ils responsabels da l’arena da biatlon Lai SA han grond gust:

Igl è grondius, da survegnir uschia svelt suenter l’avertura dal Nordic House talas novas.
Autur: Michael Hartwegpresident cussegl administrativ, arena da biatlon

Campiunadis da juniors sco carta da visita per Lai

Tenor la communicaziun da l’arena da biatlon vegn decidì il favrer 2017, sche Lai vegn gia resguarda per il ciclus da la coppa mundiala dal 2018 enfin il 2022. Dad entrar sco organisatur en la Coppa mundiala na saja betg uschia simpel, vegn cità il schef da disciplinas da Swiss-Ski, Markus Regli. Cun survegnir ils Campiunadis mundials saja dentant gia surmuntà in emprim obstachel.

RR novitads 14:00