Rafael Nadal (ATP 2) ha gudagnà il turnier dad ATP-1000 a Montreal en il Canada. Quai è sia 35avla victoria ad in turnier dad ATP-1000. En il final ha il Spagnol battì il Russ Daniil Medwedew (ATP 9) cleramain en dus sets cun 6:3 e 6:0. Suenter 70 minutas ha Nadal nizzegià sia emprima balla da match ed uschia festivà ses 83avel titel sin la tura d’ATP.
Nadal betg dal turnier a Cincinnati
Rafael Nadal desista dal turnier dad ATP-1000 a Cincinnati. Quai ha il Spagnol communitgà via Facebook. El veglia uss far ina pausa e sa preparar sin l’ultim turnier da Grand Slam da l’onn. L’US Open cumenza en duas emnas a New York.
RR novitads 06:00