Siglir tar il cuntegn

Header

cuntegn

Naziunal/Internaziunal Turnier da tennis a Toronto: Stan Wawrinka vinavant cun fadia

Il Romand ha battì il Russ Michail Juschni stgars en dus sets cun 7:6 e 7:6 e stat uschia en l'otgavelfinal.

En il segund set è il Svizzer stà enavos cun 0:3, avant ch'il rebreak è gartegià ad el. En il tiebreak ha el parà ina balla da set ed ha pir pudì nizzegiar sia terza balla da matsch per gudagnar la partida. La gievgia frunta Stan Wawrinka uschia sin in dals dus Americans Jack Sock u Donald Young.

Per Roger Federer percunter è la stagiun a fin. Mardi saira ha el communitgà ch'el stoppia desister dals gieus olimpics a Rio. Sia blessura vid il schanugl na saja betg guarida tenor giavisch – uschia ch'ils medis hajan cusseglià da terminar la stagiun actuala.

RR novitads 08:00

Artitgels legids il pli savens