Siglir tar il cuntegn

Naziunal/Internaziunal Tschagajew refusa tuttas renfatschas

L'um da fatschenta tschetschen Bulat Tschagajew è cumparì surprendentamain al process davart il concurs da l'FC Xamax. Avant la dretgira ha l'anteriur president refusà las renfatschas. Independent da la sentenzia veglia el pajar las pajais mancantas dals ballapedists, ha annunzià Tschagajew.

purtret da Bulat Tschagajew
Legenda: Bulat Tschagajew, l'anteriur president da Xamax vul anc pajair las pajas mancantas dals ballapedists. Keystone

El sa sentia responsabel envers ils giugaders. Vitiers ha Tschagajew inditgà da vulair pajair ina part da la taglia da funtauna da 1,5 milliuns francs anc betg pajada. Quai na saja dentant betg in confess da culpa, ha precisà Tschagajew.

Cuntrari a Tschagajew n'è il segund accusà, l'anteriur vicepresident Islam Satujew, betg cumparì avant dretgira. Lezza ha refusà da far dus process independents. Per Satujew sto perquai vegnir fixà in nov termin. Uschia n'èsi betg da quintar cun ina sentenzia sperta.

RR novitads 08:00