La premiera dal tour da 6 etappas en Scandinavia dominescha la Norvegia. Tar ils umens gudogna Paal Golberg. En l'ultima etappa sur 30 kilometers triumfescha Golberg avant 5 cumpatriots. Il Russ Alexander Bolschunow, che manava il classament avant l'etappa finala, ha gì nagina schanza e vegn 7avel.
Cologna en ils top 10
Dario Cologna vegn 10avel sur ils 30 kilometers. Cologna fa bun in plaz e terminescha il tour sco 10avel. El ha pers trais minutas sin il temp da Golberg. Roman Furger terminescha la tour sco 15avel e Jonas Baumann sco 30avel.
Aur per Therese Johaug
Tar las dunnas ha Therese Johaug dominà era l'etappa finala e gudogna il tour. La suletta Svizra, Nadine Fähndrich, terminescha la cursa d'etappas en Scandinavia sco 20avla.
RTR novitads 16:00
