Tramezzani nov trenader da l'FC Lugano

Il nov trenader da l'FC Lugano sa numna Paolo Tramezzani. Il Talian da 46 onns è stà engaschà l'ultim sco trenader d'assistenza da l'equipa naziunala da l'Albania. Gia la stad passada era Tramezzani in candidat a Lugano per succeder a Zdenek Zeman.

dus umens in sper l'auter

Legenda da maletgs: Dasper il trenader da l'equipa naziunala da l'Albania: Paolo Tramezzani (dretg) sper Gianni de Biasi. SRF / Imago

Il president da Lugano, Angelo Renzetti è lura sa decidì per Andrea Manzo ch'è vegnì relaschà. Ussa èn sa cunvegnids Tramezzani e Renzetti davart ina collavuraziun. Il Talian ha schlià ses contract en l'Albania e suttascrit a Lugano in contract fin la stad 2019.

Da la partida al campiunadi europeic 2016

Tramezzani ha giugà activamain durant sia carriera tar Inter Milaun, Piacenza, Atalanta Bergamo e Tottenham Hotspur. Cun ses schef Gianni De Biasi ha el manà l'equipa naziunala da l'Albania al campiunadi europeic en la Frantscha.

RR novitads 22:00