Tour de Suisse: Cancellara en il tricot dal leader

Fabian Cancellara gudogna il prolog a l’emprima etappa da l’80avel Tour de Suisse. Uss sa Cacellera parter il tricot dal leader. Sulet per pauc manchenta il podest ha Martin Elmiger sco quart.

Cancellara cun duas dunnas.

Legenda da maletgs: Fabian Cancellara egualisescha cun l'11avla victoria il record da las legendas Kübler/Koblet. Keystone

Malgrà la plievgia segirescha Fabian Cancellara (35) la victoria en l’emprima etappa dal Tour de Suisse sur ina distanza da 6,4 kilometers tras Baar (ZG). Cancellara ha stuì prender bler risico pervi da las vias bletschas ed ha pudì prender suenter in retard en la segunda part da la cursa cunter il Beltg Jürgen Roelandts. Terz è vegni l’Australian Luke Durbridge.

Egualisà record

A sia 14. participaziun al Tour de Suisse e sia ultima, po Calcellara festivar sia 11. victoria d’ina etappa. Cun quest success egualisescha il Svizzer il record da Ferdy Kübler e Hugo Koblet, sco era da Peter Sagan. E per il Bernais serra il circul: A sia emprima partizipaziun al Tour de Suisse aveva Cancellara gia gudagnà il prolog – ed er tar sia ultima participaziun al Tour de Suisse ha Cancellara gudagnà il prolog.

RR novitads 18:00