Dunnas
En la Val di Fiemme terminescha la Bernaisa ils 10 kilometers stil classic sco dieschavla e realisescha ses meglier resultat en ina cursa classica.
En il classament general dal Tour de Ski ruschna Nathalie von Siebenthal dal sisavel sin settavel plaz. Gudagnà gia sia quarta etappa a quest Tour de Ski ha Stina Nilsson. L'aventatg da la Svedaisa sin Anne Kyllönnen da la Finlanda è 3 secundas.
Il podest vegn cumplettà cun Charlotte Kalla. Heidi Weng ch'era avant la victura da Nilsson a la testa dal classament general dal Tour de Ski terminescha ils 10 kilometers cun partenza da massa sco 7avla.
Umens
Dario Cologna resta sin il terz plaz en il classament general dal Tour de Ski. Sur ils 15 kilometers stil classic cun partenza da massa vegn Cologna 7avel.
Gudagnà la cursa ha il Norvegais Martin Johnsurd Sundby. Il leader dal Tour de Ski, Sergej Ustjugow, perda 2 secundas sin Sundby e vegn segund.
Il podest en la Val di Fiemme vegn cumplettà cun Matti Heikkingen da la Finlanda. Cologna ha pers bunamain 3 secundas sin Sundby. Avant l'etappa finala sin la Alpe Cermis ha il Jauer dentant in retard da bunas 2 minutas sin Ustjugow.
Dentant è Cologna vegnì da distanziar ses concurrents directs per la plazza da podest per bunamain ina mesa minuta. Quai èn Maurice Manificat, Matti Heikkinen ed Alex Harvey.
Jonas Baumann terminescha ils 15 kilometers sco 16avel. Toni Livers vegn 31avel.
RR novitads 16:00+