Tour de Ski: Sundby è ina classa per sa sez

Martin Johnsrud Sundby, il grond favurit, ha dominà la segunda etappa dal Tour de Ski a Lai e gudagnà suveran. Il Norvegiais ha duvrà 1:14:48 per ils 30 km en stil classic. Dario Cologna n'ha mai gì da far insatgè cun la decisiun. El ha pers sin Sundby 1 minuta e 37 secundas ed è vegnì 12avel.

il passlunghist norvegiais Martin Johnsrud Sundby

Legenda da maletgs: Sundby ha mussà sia excellenta furma a moda persvadenta. Keystone

Ils emprims quatter plazs èn occupads da Norvegiais. Sin plazza dus è Petter Northug ha apers 34,6 secundas sin Sundby e Didrik Tönseth è terz cun in retard da 35,1 secundas.

Dario Cologna ha pudì sa tegnair fin la mesadad da la cursa en la gruppa a la testa. Tranter ils kilometers 15 e 20 ha el dentant pers il contact ed incassà in retard da bunamain ina mesa minuta.

Inclusiv cun las secundas da bonus ha Cologna ussa gia in retard da passa duas minutas e mesa sin Sundby.

Ils ulteriurs svizzers: Jonas Baumann sin plazza 25 (+2:24 min), Toni Livers sin plazza 35 (+3:53), Curdin Perl sin 36 (+3.54)

RR novitads 17:00