Siglir tar il cuntegn

Header

Navigaziun

Purtret da Nadine Fähndrich.
Legenda: Fähndrich è er cuntenta cun sia prestaziun. Keystone
cuntegn

Naziunal/Internaziunal Tour de ski: Er il segund di a Val Müstair è gartegià

Dario Cologna e Nadine Fähndrich han mussà ina buna preschtaziun al Tour de ski en Val Müstair. Cologna ha bunas schanzas dad anc dumagnar il podest e Fähndrich ch'è uschiglio plitost la sprintra ha er mussà ina buna prstaziun.

Oestberg gudogna la cursa da las dunnas Wenger è segunda, Fähndrich è daventada quarta en la cursa da 5km. En il classament è Fähndrich uss sin plazza 9, gist davos Laurien Van der Graaff.

Purtret da Dario Cologna.
Legenda: Cologna è daventà tschintgavel da la cursa da 10km da la dumengia. Keystone

Cologna è sin il 5avel plaz

Dario Cologna è vegnì tschintgavel da la cursa da 10km en Val Müstair. Ustiugow ha gudogna la cursa davant Sundby. En il classament general è Cologna ussa sisavel. Cologna è curt temp sta davant. Cura ch'i è ì ensi è el dentant puspè cruda enavos. Sundby e curtamain puspè stà davant. Il norvegiais è dentant vegnì vargà da Ustiogow sin ils ultims meters. Uschia gudogna il russ era la segunda etappa da la Tour de Ski.

Traject attractiv

Il traject dals 10 kilometers - ina runda da 2.5 kilometers che ils atlets han fatg 4 giadas - saja attractiv - quai di il expert da passlung da la televisiun svizra SRF:

Legenda: Guardar il video Traject attractiv! di l'expert Adriano Iseppi. Durada 01:36 minutas.
Or da RTR dals 01.01.2017.

Ils fans avessan spetgà plazza da podest da Cologna

Ils fan en Val Müstair avessan spetgà ina plazza da podest per Dario Cologna. Avant la cursa eran blers persvadids che il star indigen saja en buna furma e ch'i pudess tanscher per ina plazza da podest:

Legenda: Guardar il video Las spetgas dals fans. Durada 01:10 minutas.
Or da RTR dals 01.01.2017.