Naziunal/Internaziunal - Tour de France banduna Berna en direcziun Vallais
Suenter in di da paus banduna il Tour de France puspè la chapitala svizra en direcziun Vallais. La 17avla etappa maina sur 184,5 kilometers da Berna fin a Finhaut-Émosson. Igl è in’etappa per ils spezialists da muntogna damai che l’arrivada è sin bunamain 2’000 meters sur mar.
Accumpagnads vegnan ils bun 200 ciclists era da millis e millis fans. Club da fans da l’entir mund èn durant trais emnas sin ils chaltgogns als protagonists, fans da la Columbia fin l’Australia. Blers fans èn er sin viadi cun rulottas.
audio
Mezdi: Tour de France - live da Berna avant la partenza
04:43 min, ord Actualitad dals 20.07.2016.
laschar ir. Durada: 4 minutas 43 Secundas.
audio
Bunura: Tour de France a Berna - fans australians accumpognan il tross
02:49 min, ord Actualitad dals 20.07.2016.
laschar ir. Durada: 2 minutas 49 Secundas.
L’entira caravana cun tut ils autos da reclama, autos da tecnica e schurnalists è propi gigantica. Er perquai vala il Tour de France sco in dals pli gronds eveniments da sport insumma.