Siglir tar il cuntegn
Inhalt

Naziunal/Internaziunal Toni Livers va per la quarta giada als gieus olimpics

Tar ils 15 kilometers stil liber èsi reussì a Toni Livers ina prestaziun da vaglia: Il sursilvan è sco novavel glischnà amez l'elita mundiala. Ina prestaziun che vegn remunerada cun in bigliet per ils gieus olimpics.

Toni Livers.
Legenda: Il passlunghist sursilvan ha motiv da surrir. (maletg simbolic) Keystone

Cun sia prestaziun tar la cuppa mundiala da stil liber a Toblach n'è Toni Livers betg mo sa rangà quatter plazzas avant il manader dal team Dario Cologna – il Sursilvan ha uschia era segirà il bigliet per ses quarts gieus olimpics.

Livers ha gì 35 secundas pli ditg ch'il victur Simen Hegstad Krüger. A Krüger suonda sin il segund plaz Maurice Magnificat ch'aveva gudagnà a Tavau. Ed il davos stgalim dal podest occupa il Brit Andrew Musgrave.

RR novitads 14:00