Naziunal/Internaziunal - Toni Livers triumfescha en Sibiria
Per tscherts sportists na po l’enviern betg cuzzar ditg avunda. In da quels è Toni Livers da Trun. El ha gudagnà a Khanty Mansisk en Sibiria l’Ugra Ski Marathon, la davosa cursa dal FIS Marathon Cup da passlung.
Toni Livers ha battì en il sprint final ses davos adversari Aliaksei Ivanou da la Belorussia. Terz è il russ Evgeniy Belov ch’è terz dal Tour de ski. Ses cumpatriot Alexander Legkov, il campiun olimpic dals 50 kilometers, ha stuì sa cuntentar cun l’otgavel plaz.
