Siglir tar il cuntegn

Header

audio
Moto 2: Tom Lüthi sin il podest a Spielberg
Or da Sportissimo dals 13.08.2017.
laschar ir. Durada: 1 minuta 26 Secundas.
cuntegn

Naziunal/Internaziunal Tom Lüthi er sin il podest da Spielberg

Il pilot svizzer da la Moto 2 vegn terz al grond premi da l'Austria. Tuttina perda el puncts en il cumbat per il campiunadi mundial.

  • Franco Morbidelli gudogna la cursa da la Moto 2 avant Alex Marquez.
  • Il Talian Morbidelli ha uss 26 puncts avantatg sin Lüthi en il classament general.
  • Per Lüthi è quai il 9avel plaz da podest en la 11avla cursa da la stagiun.
  • Dominique Aegerter daventa 9avel.

Il motociclist svizzer Tom Lüthi vegn terz al grond premi da l’Austria. il pilot bernais da la Moto 2 vegn uschia en la 11avla cursa da la stagiun sin sia 9avla plazza da podest.

Gudagnà la cursa ha il Talian Fronco Morbidelli avant ses collega d’equipa, il Spagnol Marc Marquez. En il classament general ha Morbidelli uss in avantatg da 26 puncts (207:181) sin Lüthi.

Ils resultats dals ulteriurs Svizzers: Dominque Aegerter vegn 9avel e Jesko Raffin suonda sin il 18avel plaz.

La proxima cursa è ils 27 d'avust a Silverstone en la Gronda Britannia.

RR novitads 14:00

Artitgels legids il pli savens