Naziunal/Internaziunal - Thun e Sforza van vias separadas
Ciriaco Sforza n'è betg pli trenader dal club da ballape da Thun. Sco quai ch’il club bernais ha communitgà, vegnia il contract cun Sforza schlià cun consentiment vicendaivel.
Sforza aveva surpiglià ses post pir a l'entschatta da questa stagiun. Cun mo 7 puncts or da 10 gieus n'è la partenza betg grategiada sco giavischà. «Suenter 3 mais è vegnì cler che las constellaziuns n'èn betg sa sviluppadas sco quai che omaduas varts avevan giavischà», ha il schef da sport da Thun, Andreas Gerber ditg.
