Siglir tar il cuntegn
cuntegn

Naziunal/Internaziunal Test gartegià – grazia ad in bel gol

La naziunala svizra da ballape cumenza cun ina victoria l'onn dal campiunadi mundial 2018. Ad Athen gudognan ils Svizzers in gieu da test cunter la Grezia cun 1:0.

Ina scena spectaculara da ballape.
Legenda: Il sulet gol dal gieu sajetta Blerim Dzemaili a moda spectaculara. Keystone

Il gol decisiv sajetta Blerim Dzemaili suenter var in'ura. Co el prenda giu direct ina flanca da Haris Seferovic è stà bel da vesair.

La victoria da la Svizra è meritada, damai che la naziunala a mussà suenter ina flaivla emprima mesadad in meglier ballape. Trumpà han però ils Grecs, ch'èn crudads ora en ils playoffs da la qualificaziun per il campiunadi mundial. Suenter il gol ha la Svizra anc gì trais bunas schanzas d’augmentar il resultat, dentant han Mario Gavranovic, anc ina giada Dzemaili e Fabian Schär manchentà.

Mardi che vegn ha la Svizra in ulteriur gieu da test, a Lucerna vai cunter il Panama, era in participant al campiunadi mundial en la Russia.

RR novitads 21:00