Per il mument n’è Roger Federer betg da franar. En il final da Miami nun ha el laschà nagina schanza a Rafael Nadal. El ha gudagnà la partida en dus sets cun 6:3 e 6:4.
In break en mintga set ha tanschì a Federer per arrivar a sia 91avla victoria. Quai è stà il 37avel duel tranter Federer e Nadal. E per la 14avla giada è stà Federer il victur da la partida.
Suenter il final da Miami ha il Svizzer da 35 onns annunzià en in'intervista ch'el desistia fin al French Open la fin matg da sa participar a turniers. El dovria uss ruaus e temp per la preparaziun.
A partir da damaun è Roger Federer il numer 4 da tennis dal mund.
RR novitads 14:00++