Siglir tar il cuntegn

Naziunal/Internaziunal Terz aur per Usain Bolt

Usain Bolt ha gudagnà sia terza medaglia d'aur al campiunadi mundial a Peking.

Suenter aur sur 100 e 200 meters, ha il Jamaican era gudagnà aur en il sprint d'equipa ensemen cun Asafa Powell, Nesta Carter e Nickel Ashmeade. Segunds èn la China avant il Canada. Ils Stadis Unids èn vegnids disqualifitgads.

Era tar las dunnas ha l'equipa dal Jamaicagudagnà aur. Segunds èn ils Stadis Unids e terzs Trinidad e Tobago.

Discletg per dunnas svizras

Pudì persequitar quest final da 4 gia 100 meters mo a l’ur ha la staffetta svizra cun il quartet Marisa Lavanchy, Lea Sprunger, Mujinga Kambundji e Sarah Atcho. Per cuntanscher il final avessan las Svizras stuì currer questa damaun il mezfinal en in temp enturn il record svizzer ch’è tar 42,94 secundas.

La finala èn ellas stadas ina mesa secunda pli plaunas ch’il record svizzer ed han uschia manchentà cleramain la qualificaziun per il final. Dà or da maun quella schanza han las Svizras cun la davosa midada da Kambundji sin Atcho, la giuvna da 20 onns ch’è currida per l’emprima gia ad in campiunadi mundial. Quella davosa midada è cumplettamain dada en l’aua. Atcho è currida davent memia baud, ha lura stuì franar ed ha uschia pers l’entir tempo.

RR novitads 17:00