Siglir tar il cuntegn
cuntegn

Naziunal/Internaziunal Terrada per la Svizra al campiunadi mundial da hockey

Al campiunadi mundial da hockey sin glatsch ha la Svizra pers en la prerunda cunter la Finlanda cun 2 a 3 suenter prolungaziun.

In giugader svizzer dat en dies suenter in cumbat per il puc cunter in giugader finlandais.
Legenda: La Svizra stgarpitscha cunter la Finlanda al campiunadi mundial da hockey. Keystone

Ils Svizzers ston desister dals 3 puncts malgrà ch'els avevan cumenzà plain schlantsch la partida. Suenter 12 minutas han ils Svizzers gia manà cun 2 a 0. Cun questa terrada ha la Svizra bain manchentà da sa qualifitgar anticipadamain per ils quartfinals. Grazia al punct ch'i dat tuttina resta la Svizra però en la cursa per la proxima runda, la fasa da k.o. En la tabella da la gruppa B è la Svizra ussa sin plazza 3, davos il Canada e la Tschechia.
En la gruppa A ha questa saira la Svezia battì il Danemarc cun 4 a 2.

Sa qualifitgà per ils quartfinals èn entant ils Stadis Unids da l'America, la Russia e la Svezia da la gruppa A. Da la gruppa B n'è anc nagina squadra sa qualifitgada.

RR Novitads 23:00