Siglir tar il cuntegn
Inhalt

Naziunal/Internaziunal Terrada per la naziunala cunter il Danemarc

Ils hockeyaners svizzers perdan l'emprim da dus gieus da test cunter il Danemarc - cun 4:5. Quai è pir la segunda terrada, en il setavel gieu da preparaziun per il campiunadi mundial.

Dus giugaders da hockey
Legenda: Il Svizzer Damien Brunner en in duel cun il Danais Nicholas Jensen. Keystone

A La Chaux-de-Fonds èn ils Svizzers stads trais giadas en avantatg, ina giada cun 3:1, La finala dattan els dentant il gieu or da maun. Fin uss ha la Svizra giugà 28 giadas cunter il Danemarc, e questa davosa partida è l’emprima terrada insumma durant il temp da gieu regular.

Il giugader svizzer ch'a persvadì il meglier - è stà Damien Brunner dal HC Lugano. L’anteriur attatgader da la NHL ha sajettà in gol e fatg dus assists. Briglià anc pli fitg ha il giugader danais Nikolaj Ehlers, l’attatgader da la NHL. Il figl dal trenader da Langnau Heinz Ehlers è stà involvì tar quatter dals tschintg gols dal Danemarc.

Il segund gieu da test cunter il Danemarc, è il venderdi saira a Basilea. Ed avant partir per il campiunadi mundial, fruntan ils Svizzers lura anc il mardi che vegn a Genevra sin il Canada.

RR novitads 23:00