Siglir tar il cuntegn
Inhalt

Naziunal/Internaziunal Terrada per Dario Cologna al skiatlon a Lillehammer

Al skiatlon a Lillehammer en Norvegia n'è il Grischun betg vegnì sur il 27avel plaz ora.

dario cologna
Legenda: Dario Cologna ha tuttenina fadia en il skiatlon che vala sco sia disciplina da parada. Keystone

Suenter avair fatg en las ultimas 7 cursas da skiatlon adina in plaz sin il podest; quai cumprais ils campiunadis muntials ed ils gieus olimpics. A Lillehammer èsi stà il 27avel plaz per Dario Cologna.

Pers temp a partir da l'entschatta

Gia suenter la mesadad da la cursa era Cologna 17avel, 53 secundas davos Martin Johnsrud Sundby. Fin tar l'arrivada è quest retard creschì sin 2 minutas e 48 secundas. Quai malgrà ch'il skiatlon vala sco disciplina da parada per il «allrounder» Dario Cologna.

Gudagnà la cursa ha il Norvegiais Johnsrud Sundby. Tut en tut èn 7 Norvegiais sa classads tranter ils emprims 8.

En il skiatlon datti l'emprim ils 15 kilometers stil classic, suandads da 15 kilometers en stil liber.

RR novitads 17:00